حجز تذاكر قصر البارون

موبايلات كتير نزلت الفترة اللي فاتت في فئة المتوسطة تحت ٧ تلاف جنية من كذا شركة اذا كانت اوبو ولا تشاومي و ريلمي و سامسونج و هونر و هواوي

نقول الاول علي اكتر موبايلات اتسأل عنها من اول منزلت و الناس محتارة تشتري ايه بالظبط في البوست ده هحاول اقدر اعرفك تشتري افضل حاجة لنسبة لرغبتك نبدا ب اوبو اللي غيرت حاجة مهمة في تسوقيها وهي سلسلة الF اللي كلنا عارفينها طبعا و الواضح انها انتهت عند F11 بعد مشوفنا منها Reno 2f لنوع من الترويج لسلسة الرينو الجديدة والموبايل الصراحة في طفرات جديدة عن اي نوع من اوبو و بعتبرو احسن موبايل اوبو نزلتو بعد Find X طفرة في ديزاين التليفون اللي جيه كلو من الازاز المرادي و بصمة مدمجة فشاشة و سريعة جدا و شاشة كاملة بدون حواف او نوتش في حافة ماشي من تحت لكن مش كبيرة اوي مقبولة كان ياريت يصغروها اكتر بس دي النقط اللي اتغيرت في الرينو عن F11 pro
عشان الرينو بيجي بنفس معالج f11 pro واللي هو Helio p70 و هو معالج كويس ومحدش علق عليه وقال عليه حاجةمن اللي معاهم f11 pro ..

كمجمل منReno 2f انا شايف انو موبايل كويس جدا جدا لكن لو جينا نبص لانظاره في نفس الفئة السعرية وممكن اقل شوية كمان هنلاقي realme xt و Xaomi mi 9t  و note 8 pro و Oppo A9 و Samsung m30s و Realme 5 pro و Huawei Y9s و Honor 9x و9x pro لكن تقريبا البرو مش نازل مصر

المهم هنا ايه الفرق بين كل الموبايلات دي معنهم تقريبا متقاربين في السعر و المواصفات لكن كل واحد وحسب زوقو فيه اللي محتاج موبايل شكلو حلو متين كاميرا ممتازة سريع في التنقل بين التطبيقات مش بيهنج ونحط جنب ده كلو الفلوس اللي هندفعها في الموبايل اللي محتاج فيه كل المواصفات دي و تقريبا معظم الموبايلات اللي فوق دي بتحقق ده لكن برضو اختار ايه فيهم وازاي احدد انه احسن فيهم .

الموضوع في البوست انهاردة هيبقي طويل وعشان البوست ميطولش مني و اتكلم في كل نقطة من الموبايل المعين و اديلو اهمية هيكون في بوستين عن الموضوع ده

هنبدا من اول هنا بتصنيف كل موبايل لوحدو و اقولك ايه اللي مميز فيه و علي كدا مممكن تختار انت عايز ايه و طبعا هيكون جنبو سعرو

-اتكلمنا عن Reno 2f فوق وقولنا نقاط قوتو اللي هي التصميم الزجاجي الجميل و الشاشة السوبر اموليد و كاملة وبدون نوتش و كاميرا امامية ممتازة و معالجة كويسة جدا لكن الكاميرا الخلفية هي كويسة و كل حاجة ومقبولة جدا لكن في حده الالوان في احسن منها ولكن مقبولة جدا و بتطلع صور كويسة و البورترية فيها حلو

سعر الاوبو رينو في مصر حاليا يتراوح بين 5700 ل 6000 وممكن تلاقي محلات منزلاه ب 5500 عادي

نيجي للموبايل التاني معانا وهو نزل من فترة مش قريبة يعني ولكن بينافس برضو معانا وهوXaomi Mi9T

بيجي بمعالج قوي Snapdragon 730 و 6 جيجا رام و ذاكرة تخزينية 128

بيجي برضو بشاشة اموليد بدون نوتش و حواف قليلة اقل من الرينو كمان

بس ايه هي قوة التليفون ده عشان نحطو معانا معنو نازل من تقريبا ٧ شهور و قرب كمان يتسحب من السوق
معالج قوي سناب دراجون ٧٣٠ يعتبر احسن من helio p70 اللي موجود في oppo reno 2f و f11 pro

طب ازاي موبايل نازل من شهر ٣ معاه معالج اقوي من موبايل نازل بقالو اسبوعين هنا بقي قوة mi9t اللي بعتبرو افضل من reno
نيجي للكاميرات عندنا ٣ كاميرات ممتازين جدا وانا شخصيا جربتها الوان مميزة و معالجة للصور عظيمة و بورترية و تحديد الاطراف كويس جدا كانك واخد الصورة من كاميرا بروفشنال لكن في الاضائات الضعيفة الصور مش بتبقي كويسة اوي وده طبيعي ... نيجي بقي للكاميرا الامامية اللي خيبت املي تعتبر من اسوء الكاميرات في الفئة السعرية دي الوان مش مظبوطة و الصور بتطلع سوفت جدا ومن غير تفاصيل

طب نيجي بقي للسبب اللي ممكن تشتري الموبايل ده اولا طبعا المعالج القوي اللي فيه كاميرات خلفية كويسة تصميم زجاجي جميل جدا شاشة بدون نوتش و اموليد وهتستمتع بيها جدا
لكن لو انت من هواه السيلفي الموبايل ده مش مناسب ليك هيناسبك اكتر reno 2f لو مش عايز تخسر الشكل الحلو لكن لو مش هامك الشكل وعايز كاميرا امامية كويسة  هنعرف ده قدام شوية

نقول سعر الموبايل بقي اللي بيجي بنسختين نسخة 64 و نسخة 128

128 >> 5850
64 >> 5300
وممكن نلاقي اعلي من كدا عادي

نيجي ل ٣ تليفون معانا وهو نزل قريب من فترة قريبة و عمل ضجة كبيرة نوعا هنتكلم عن Xaomi Note 8 pro

نبدا بالمواصفات كلعادة بيجي معانا بمعالج Helio p90G و رام 6 مع ذاكرة داخلية 64 او 128

معالج كويس و برضو اعلي من oppo reno 2f بيقدم اداء كويس جدا و كويس جدا في الالعاب التقيلة ومش هتسح بتهنيج فيها

نيجي للشاشة و الكاميرات
شاشة بنوتش دقة ips full hd وللاسف مش اموليد زي mi9t و reno بس ده عادي علي سلسلة note في تشوامي
لكن مش معني كدا ان الشاشة وحشة الشاشة كويسة و دقتها حلوة و الوانها مظبوطة

الكاميرات بقي عندنا هنا اربع كاميرات اساسية 64 ميجا بيكسل
التانية 8 ميجا بيسكل لتصويرالزاوية الواسعة
التالتة لتحديد الاطراف في البورترية 2 ميجا بيكسل
الرابعة بتيجي ماكرو لتصوير الحاجات من قريب ووبيديك تفاصيل زيادة وده مش بيحصل يعني الصور بتبقي وحشة و دقتها مش حلوة شايفها ملهاش  لازمة  خالص

كأداء بقي للكاميرات بعد الرغي ده كلو كاميرات ادائها متوسط يعني الوانها كويسة نوعا ما مش زي ال mi9t مثلا
البورترية كويس برضو بس ساعات بيغلط في تحديد الاطراف معن ان فيه كاميرا مخصوص عشان تحدد الاطراف لكن عطلان باين .. ااصور بتبقي سوفت في بعض الاحيان علي حسب الاضاءة اللي انت فيها

نيجي للكاميرا الامامية كويسة المرادي و بطلع صور شارب و الوانها حلوة ممكن نقول انها احسن من mi9t لكن برضو الرينو لحد دلوقتي متفوق في الكاميرا الامامية

سعر بقي الموبايل كام غلي كل ده وطبعا تشاومي عودتنا علي اسعار قليلة وفعلا حصل هنا .. فيه نسختين من الموبايل ده بسعة داخلية مختلفة

64 >> 4000
128 >> 4200
وممكن تلاقي اقل من كدا حاليا

نيجي طيب لاهم حاجة ليه اشتري الموبايل ده .. اهمها طبعا سعر الموبايل بالنسبة لكل المواصفات دي تصميم حلو زجاجي برضو متين تجربة الالعاب فيه ممتازة جدا وفيه تبريد مائي لكن ملوش لازمة اوي الموبايل بيسخن عادي برضو 😂😂
شحن سريع بيشحن تقريبا في ساعةةونص او اقل

اصنفو انو بيتفوق علي oppo reno2f ولكن ميتفوقش علي mi9t

معانا دلوقتي اخر موبايل في البوست ده عشان مطولش عليكو اكتر من كدا هنتعرف علي Realme Xt

شركة ريلمي كلنا عارفين انها تابعة لشركة اوبو ومعاها فيفو برضو ولكن مش بتنزل مصر خلينا في ريلمي دلوقتي بس اللي من اول منزلت مصر وهي فعلا بتثبت انها شركة نازلة السوق عايزة تنافس باسعراها القليلة بالنسبة للمواصفات و الكاميرات و ادائها الجيد وهي فعلا حققت ده من ساعت ريلمي ٣ برو اللي حقق نجاح كويس فسوق ... طيب نبدا بلمواصفات بقي

بيجي بمعالج Snapdragon 712 و رام ٨ و ذاكرة داخلية 128

ميزة اولي ما بين باقي الموبايلات اللي كانت معانا و تقريبا  في الفئة دي وهي ٨ جيجا رام الباقي كلو بيجي ب٦ جيجا رام

 لكن المعالج ٧١٢ مش هو الأفضل هنا شوفنا سناب دراجون ٧٣٠ و helio p90g اللي احسن منو ولكن برضو اداءو كويس مش وحش وواللي مساعدو فدة نظام ريلمي الخفيف اللي بعتبرو احسن نظام في السوق حاليا بجانب سامسونج
الموبايل برضو بيجي ب ٤ تلاف ميلي امبير بطارية يدعم الشحن السريع بيوصل ٥٠% في نص ساعة وده وقت حلو جدا

الشاشة سوبر اموليد بنوتش واتر دروب و حواف قليلة جدا يعتبرها. من احسن الشاشات بجانب mi9t و reno 2

بيجي الموبايل من تصميم زجاجي خلفي و لكن اطراف الجهاز بتيجي من البلاستيك و لكن عادي الجهاز متين و شكلو قيم في ايدك وده حلو جدا في الفئة السعرية دي

نيجي بقي لقوة الموبايل او من اهم نقط قوتة وخي الكاميرات  الصراحة ريلمي بتبهرنا بكاميرتها وده مش غريب عليها لانها تابعة لاوبو

بيجي ب٤ كاميرات و تقريبا نفس المواصفات بتاعت note 8 pro
الأولي 64 اساسية
الثانية ٨ لتصوير الزاوية الواسعة
التالتة ٢ خاصة بتصوير الوضع ماكرو وهنا بحس ان ليها لازمة شوية وبتطلع صور ممتازة و فيها نفاصيل
الرابعة ٢ لتحديد الاطراف

كاميرات مقدرش اقول عليها غير انها ممتازة جدا الوان حلوة معالجة ممتازة  للصور و بتطلع كواليتي حلوة جدا  و بتدعم تصوير 4k

بصمة مدمجة فشاشة سريعة جدا غير النوت ٨ برو اللي البصمة بيجي في الخلف

سعر الهاتف اللي بشوفو كويس جدا وهو سبب الضجة عليه بلجانب لمواصفاتة اللي موجودة في موبايلات ب ١٠ تلاف يعني ضعف سعرو تقريبا
بيجي التليفون بسعر يتراوح بين 5500 و 5900

سبب شراء الهاتف انا بشوفو موبايل شامل كل حاجة تصميم بطارية كاميرات اداء شاشة اموليد كان ناقصو بس شاشة من غير نوتش و يبقي تمام اوي لكن ده احسن موبايل معانا النهاردة من حيث كل حاجة ممكن يكون المعالج مش اقوي حاجة لكن اداءو ممتاز جدا و مش هتحس بفرق جامد غير لو دققت

نرتب كدا بقي موبايلات اللي كانت فلبوست
1 - Realme Xt
2- Mi9t - Reno2f
3- Note 8 pro

يعني بشكر اي حد كمل البوست للاخر طبعا 😂😂طولت عليكو شوية لكن ياريت تكونو استفدو من البوست .. هيبقي فيه بوست تاني ان شاء الله نتكلم عن باقي الموبايلات واللي هما Realme 5pro و Samsung M30 و Honor 9x و Huawei y9s

ولو فيه موبايل غير ده عايزني اتكلم عنو اكتبو في الكومنتات

شكرا..❤❤