- تسمع عن حاجه اسمها الـ SWOT Analysis ؟
= لأ !!
قبل بس ما ندخل ف التفاصيل , متنساش تنزل تعمل الاف الجميل بتاعك :D <3
- طيب تعالى اسمع واعرف بقى :D
الـ SWOT Analysis ده يا سيدي هو أختصار للأربع كلمات دول (strengths, weaknesses, opportunities, and threats ) بالعربي يعني ( نقاط القوة، نقاط الضعف، الفرص، والتهديدات أو المخاطر )
= أيوه يعني بيعمل ايه بردوا و لا أيه فايدته ؟
- هاقولك أهو :D
- حضرتك لو مسكت إدارة مشروع أو فريق ، بتدرس تنفيذ فكره معينة أو حتى بتعمل تحليل لشخصك لازم تعتمد على الـ SWOT Analysis
* لازم تعرف أيه هي نقاط القوه اللي هتبني عليها وهتعتمد عليها بشكل قوي
لانك لو مش عارف نقاط قوتك فهتكون متخبط و تايه ومش عارف اصلا المفروض تعمل ايه
* لازم بردوا تعرف ايه هي نقاط ضعفك .. الحاجات اللي بتؤثر على مدى قوتك ،، لأنك لما تعرفها هتبدأ تتعامل معاها و تعالجها .. لكن طول ما انت عامل انك مش شايفها أو متجاهلها هتفضل عائق لكل خطوه بتاخدها
* الفرص و الكلمة دي عظيمة أووي يا جماعة .. لازم تعرف أن اللي بيفرق حد عن التاني أن فيه واحد بيشوف المشاكل أزمات و حاجه سخيفه و فيه حد تاني بيخترع من المشكله دي فرصه لنجاحه و لحل المشكله ( أمثله كتير ممكن نقولها ذي سويفل , وظف وفرصنا , وغيرها من الكيانات اللي شافت ف مشاكل ف مجتمعنا فرص قويه ) .
* التهديدات أو المخاطر : ودي بقى الحاجه اللي لو مخدتش بالك منها هتكون أخطر عليك من نقاط ضعفك .. يعني لو انت عندك مشروع وشغال كويس و نقاط ضعفك مش مأثره عليه أوووي .. التهديدات بقه ممكن تضيعلك الدنيا .. ذي مثلا أن منافس قوي في الماركت ينافسك بشكل قذر .. أو أن المنتج أو الخدمة بتاعتك يكونوا مهددين بالانقراض .. يعني ميناتل لما عملت الكماين و الكروت مكنش ف بالها ان الموبايل هيتشر الانتشار الرهيب دلوقتي .. فين ميناتل دلوقتي ؟! .. أختفت .. ليه ؟ لانها مشافتش التهديدات والمخاطر اللي ممكن تواجها اللي يمكن لو كانت خدت بالها منها يمكن كانت تفكر ف فكره مشروع تاني مختلف تماماً
= الخلاصه : لازم تحلل وتدرس أي حاجه كويس جداً قبل ما تبدأ فيها ولو بدأت أو استلمت حاجه موجوده بالفعل يبقى أول خطوه لازم تعمل الـ SWOT Analysis وأهم حاجه تعمل فيها ده هو " نفسك " .
منشن صاحبك وشير لو أول مره تعرف المعلومة <3
تعليقات
إرسال تعليق