شديد الخطورة علي watchit
مسلسل شديد الخطوره الحلقة الاولي
من المسلسل من اول حلقه منه انشاء الله مسلسل بيتم عرضه حلقه واحده اسبوعيا عبر منصه واتش ايت مسلسل بطوله احمد العوضي وريم مصطفي و حسني شتا وخالد كمال ومحمود حجازي واحمد صيام و رياض الخولي وهادي الجيار وحمزه العيلي وتاليف محمد السيد بشير واخراج حسام علي.......
القصه::
تناول العمل قضايا الهاكرز وما يصدر منهم من مخاطر على الأمن الوطني والقوي، وتجنيدهم لتدمير مؤسسات الدولة.....
الايجابيات والاداء التمثيلي ::
انا من ساعه مشوفت الاعلان وحسيت ان فيه عظمه بتطبخ علي نار هاديه بدايه الحلقه انا شايف انها كانت موفقه جدا عجبني انه دخل في القصه علطول من غير مشاهد ملهاش لازمه او تطويل علي الفاضي لكن انا حسيت في شويه انه تقريبا اخدني في دوكه كده يعني كان فيه تقديم وتعريف لشخصيه العوضي وريم لكن بنسبه لاعضاء العصابه حستها اتكروكت كده الي حدا ما بدون تقديم للشخصيات ديه وايه ظروفهم وبقيت الاعضاء وكده يعني انا شايف ان ديه بس المشكله الضيقتني شويه لكن التشويق والاثاره الفي الحلقه خلوني مركزش مع الجزء ده اوي......
احمد العوضي::
اداء جيد حتي الان كان متميز جدا في مشاهد الاكشن وعملها باتقان شديد وباين فيها جدا الاحترافيه في تصميم المعارك وكمان كان في شغل جديد.....
ريم مصطفي ::
اداء جيد عجبني الكميه البينها وبين احمد العوضي وده كان واضح في مشاهدها معاه وجو التحدي البينهم عشان بيشتغله في شركات المنافسه فجو المناكفه البينهم ده عجبني اوي بصراحه......
خالد كمال ::
اداء وحضور لدور ظابط الشرطه كان موفق جدا وكوت قلقان في الاول ليكون عامله زي في لمس اكتاف لكن الحمدالله مكنش في تكرار لنفس الستايل الظابط في لمس اكتاف بس المرادي حسه عامله علي الهادي كده وبمزاج......
حمزه العيلي ::
بصراحه دور غاندي فظيع حرفيا طريقه الكلام واللبس واداء الشخصيه وتحريك الرقبه بصراحه دوره مميز جدا وهوا عامله باتقان شديد بصراحه يا جماعه حمزه فنان عالي اوي بصراحه وياريت يكتر من اعماله الفتره الجايه.......
حسني شتا ::
دور الواد الحرك او الصايع حلو اوي بصراحه هوا كمان راكب عليه الدور جدا بس انا حسيت شويه ان في اداء شبيه شويه من دوره في اشتباك بس بصراحه عامله باتقان شديد وكان موفق جدا وكام بيادي بدون اي مبالغه في الاداء ........
احمد صيام ::
لسه بصراحه مكنش في مشاهد كتيره عشان اقدر احكم عليه بس ضحكني كذه مره في مشاهده مع والده المالك.......
محمود حجازي ::
برضه للاسف مكنش في مشاهد كتير ظهر فيها غير مشهد ببجي لكن انشاء الله هتكلم عنه في الحلقات القادمه.......
الكتابه ::
محمد السيد بشير من المؤلفين المميزين جدا والله وانا متابعه من ساعه كلام علي ورق وشوفتله كل حاجه من بعدها وواضح كمان انه المرادي مركز اوي ان ميكونش في ملل في الحلقات ويفضل محافظ علي عنصر التشويق وبصراحه بقيت خلاص بطمن لاي حاجه مكتوب اسمه عليها.......
الاخراج ::
اخراج حسام علي الحقيقه انا مش هتكلم كتير عن االراجل ده لانه كل اعماله تكلم عن نفسها كفايه 30 يوم والرحله بس واضح اتقان مشاهد الاكشن ومكنش فيه تقطيع كتير الصراحه فيها وده كان كويس جدا سعتها وباين انه مطلع من كل اعلي حاجه عنده واختيار الكادرات كان موفق جدا كانت مريحه للعين وكمان التصوير عجبني جدا حسيته اكنه فيلم مش مسلسل بصراحه .....
في النهايه انصح بمتابعه مسلسل شديد الخطوره لانه بجد نقله في كل حاجه فيه وبدايه موفقه جدا لمسلسلات القصيره الاكشن تقيمي لحد دلوقتي 9/10
أحمد العوضي - Ahmed Elawady
Reem Moustafa
شاهد الحلقة الاولي علي
watchit من googleplay من الرابط التالي
تعليقات
إرسال تعليق