حجز تذاكر قصر البارون

 

كلنا غيرنا ساعتنا وقدمنها ساعة كاملة 60 دقيقة بسبب تطبيق التوقيت الصيفى فى مصر و اللى بدأ يوم 28 أبريل..⏰️🕰⌚️

👈 و لكن محدش يعرف هو بدأ امتى ؟و فين ؟ و ليه ؟🤔

👈  تعالوا مع بعض نعرف القصة و ما فيها.. 

فى سنة 1784 كان أول من طالب بتقديم الوقت ساعة كاملة فى الصيف هو الرئيس الامريكى بنيامين فرانكلين و لكن تم رفض اقتراحه .

وفي عام 1895..ظهر المفهوم الحديث للتوقيت الصيفي على يد عالم الحشرات النيوزيلندى جورج هدسون  ..و اللى اقترح تغيير الوقت لمدة ساعتين حتى يكون عنده وقت اطول و ساعات أكتر للعمل .

واقترح هدسون تقديم الوقت إلى ساعتين في أكتوبر ثم تأخيرها لمدة ساعتين في مارس..و لكن الاقتراح كمااان اترفض .

وفي عام1909  ..اتعرضت الفكرة من جديد على يد البريطانى وليام ويلت إلى أن وصل لمشروع قانون ناقشه البرلمان البريطانى و كمااان تم رفضه .

و فى سنة 1916 اطبقت فكرة التوقيت الصيفي للمرة الأولى خلال الحرب العالمية الأولى بسبب ظروف الحرب اللى أجبرت الدول على توفير الطاقة

 لتكون ألمانيا أول دولة تعلن العمل بالتوقيت الصيفي.

و لما الفكرة نجحت نجاح مبهر طبقتها الولايات المتحدة الأمريكية و بعدها بريطانيا .

👈 طب ازاااى ؟و امتى؟  اتطبق التوقيت الصيفى فى مصر ؟؟🤔

انا هنا علشان اقولكم الخلاصة..

📍اول مرة مصر تطبق التوقيت الصيفى كان فى سنة 1945 فى عهد حكومة النقراشى باشا و ده بسبب الأزمة الاقتصادية اللى كانت بتعشها مصر  وقت الحرب العالمية التانية .

📍و لكن بعدها بسنة فى1946الملك فاروق لغى العمل بالتوقيت الصيفى .

📍وبعد 11 سنة فى 1957رجع الرئيس جمال عبد الناصر العمل بالتوقيت الصيفى مرة تانية و لكن تم إلغاؤه مرة اخرى سنة 1975 فى عهد الرئيس محمد أنور السادات .

📍و بعد 7 سنوات و تحديدا سنة 1982 رجع الرئيس محمد حسنى مبارك العمل بالتوقيت الصيفى مرة اخرى 

علشان يتلغى تانى بعدها ب 3 سنين تحديدا سنة 1985 و بعد 3 سنين تانى فى  1988 يرجع و يتطبق العمل بالتوقيت الصيفى مرة اخرى .

📍و فى ثورة 2011 لغى المجلس العسكرى العمل بالتوقيت الصيفى ..و لكن فى سنة 2014  فى عهد الرئيس المؤقت عدلى منصور رجع العمل بالتوقيت الصيفى مرة تانية بسبب أزمة الطاقة .

📍و فى عهد الرئيس عبد الفتاح السيسي تحديدا سنة 2015 تم الغاء العمل بالتوقيت الصيفى..

لغاية ما ظهرت مؤخرا دراسة بتؤكد ان الاعتماد على التوقيت الصيفى لمدة 6 شهور حيخفض استهلاك الكهرباء بنسبة 10 % يعنى توفير افضل فى الميزانية 

 علشان كدا .. و بعد مداولات ومناقشات بمجلس الوزراء ..قرررت الحكومة المصرية عودة العمل بالتوقيت الصيفى ..لتخفيف الضغط على الكهرباء ولترشيد استهلاك الكهرباء فى المبانى الحكومية بصورة عامة .