حجز تذاكر قصر البارون

 الشاي بعد الأكل مباشرة غلط ولا صح؟

انهاء لحالة الجدل 

هل الشاي بيأثر على امتصاص الحديد ؟

الإجابة المختصرة : نعم له تأثير 

الإجابة المفصلة 

الشاي بيحتوي على مواد اسمها تانينات tanninis ودي بترتبط بالحديد الموجود في الطعام وتقلل امتصاصه 

طيب ده بالنسبة لكل أنواع الحديد ؟

عندنا نوعين من الحديد نوع اسمه heme iron وده موجود في المصادر الحيوانية زي اللحوم والفراخ والسمك وغيرها

ونوع اسمه non heme وده موجود في المصادر النباتية زي الخضروات والحبوب الكاملة والبقوليات وغيرها

طيب الشاي بيأثر على مين فيهم ؟

بيأثر بشكل أساسي على النوع التاني non heme والكلام ده تقريبا شبه إجماع من المواقع الطبية الكبرى والنوع ده أصلا امتصاصه ضعيف خلقة مش ناقص يعني نقلل امتصاصه 

لكن تأثيره على النوع الأول heme iron مختلف فيه 

بعض الدراسات قالت يقلل امتصاصها وبعضها قالت لأ 

يعني نعمل إيه؟

اعمل الصح 

أيوه إيه بقا الصح ده ؟

الصح إنك تخليك في ال safe side وتشرب الشاي بعد الأكل بساعة وبكدة تكون اطمنت على حديدك 

طيب يا دكتور طبعا ده مع الشاي الأسود بس مش الأخضر 

مش كده؟

لأ مش كده 

الشاي الأخضر زي الشاي الأسود تماما في النقطة دي لأن النوعين فيهم نفس المادة اللي بتقلل امتصاص الحديد tannins

يارب دايما بصحة وعافية