كل طرق الكبدة
 |
| طريقه عمل الكبدة بكل انواعها |
صينية الكبدة المشوية
نص كيلو كبدة ترنشات
يصلة كبيرة ترنشات
حبة فلفل رومى كبيرة ترنشات
ملح فلفل كمون بابريكا بهارات عصير ليمونة
2 قرن فلفل حار
2 فص ثوم مقطع
قطعة فحم
زيت
،،،،،
هنتبل الكبدة بالملح و الفلفل و الكمون و البهارات و البابريكا و عصير ليمونة
نرص الكبدة فى صينية و فوقها شرائح البصل و الفلفل و الثوم
تغطى الصينية بالفويل و تدخل فى الفرن
لما تستوي نحط الفحمة مولعه وعليها زيت ونكتمها ربع ساعه
الكبدة الاسكندرانى
نص كيلو كبدة مقطعة صغيره
ملح . كمون .
3 معالق كبيرة خل .
فلفل حار (اختيارى) .
3 معالق كبيرة ثوم مفروم .
فلفل أخضر طرنشات
عصير ليمون .
1/4 كوب زيت للتحمير .
هنخلط الثوم والخل والكمون والملح والشطة(الفلفل الحار) كويس وهتبل بها الكبدة ونسيبها فى الثلاجة لمدة1/4 ساعة .
نحط الزيت على النار يسخن ونسقط فيه الكبدة ونقلب نهدي النار ونقلبها ولما لونها يغير نضيف الفلفل الرومي ونقلبها ونغطيها
ونسيبها تشرب ميتها وتتحمر معانا شويه بعد ما تشرب ميتها وقبل التقديم نديها عصير ليمونه
الكبدة والكلاوي
نغسل الكبدة والكلاوي وتقطعيهم شرائح رفيعة
وتجهزي بصلتثن مقطع قطع طويلة شويه
معلقتين ثوم ناعم
فلفل حار
حبة فلفل رومي متقطعه جوليان
هنفقلبي البصل والفلفل فطاسه ياخد صدمة علي نار عاليه
وفطاسه تانيه نقلي الكبدة والكلاوي علي نار عاليه لمدة دقيقتين
نضيف الثوم وفلفل اسود وذرة كمون ومعلقة كزبره ولما يستوي نضيفلة البصل المحمص
كبدة بالطماطم
كيلو كبدة
وطماطم مقطعه مكعبات
وثوم مدقوق ناعم وفلفل اسود وكمون وملح
وزيت للقلي وطاسه تكون واسعه
هنقطع الكبدة زي البطاطس البوم فري كدة
ونحط الطاسه عالنار الزيت يسخن وننزل بالكبدة
اهم حاجه النار تكون عاليه عشان يكون قلبها طري ومن بره محمصة
لما تغير لونها نضيف الطماطم لو كيلو مثلا 3 حبات
اول ما الطماطم تتظبط مع الكبدة هنضيف الفلفل والكمون والملح
الكبدة البانية اللذيذة
كبده
1 فص ثوم
مية بصل
ملح,فلفل,كمون
ليمون
دقيق
لبن
بيض
بقسماط
زيت للقلى
نقشر الكبده من الطبقه الرقيقه الخارجيه
ننبل الكبده بالملح و الليمون و الفلفل و الكمون و الثوم ومية البصل ونسيبها ساعه
ونحطها فالدقيق وبعدين اللبن والبيض واخر حاجه البقسماط
نحمرها فالزيت
الكبدة المحمرة
نص كيلو كبدة _ملح _فلفل _عصير ليمون _ سمن للتحمير
تقطع الكبدة شرائح و تبليها بالملح و الفلفل وعصير الليمون و سيبيها شوية فى التتبيلة ، نحط السمن فى طاسة ولما تقدح احمر الكبدة الاول مرة على الوش الاول و مرة على الوش التانى ،وبعدين حطى عليها شوية فى شوية ماء لحد ما تستوى
الكبدة بالفلفل و الطماطم
نص كيلو كبدة _ملح _فلفل _فلفل رومى كبيرة _بصلة كبيرة _طماطماية كبيرة
زيت او سمن _ م ص خل +فصين ثوم
نقطع الكبدة قطع صغيرة و كذلك الفلفل و البصل و الطماطم .نحط السمن فى حلة و نشوح فيها البصل و الفلفل و فصين الثوم لحد ما يصفروا وننزل بالطماطم و الخل و نقلب وننزل بالكبدة و نقلب نقلب لحد ما تاخد لون محمر ونضيف ربع كوب مياه ونسيبها تستوي وتعمل صوص بني
الكبدة بالردة
كيلو كبدة شرائح +رأس توم مفرومةناعم جدا - ملح -فلفل - نصف معلقة صغيرة كمون - 2 معلقة كبيرة كزبرة ناعمة - + نص كوب رده + نص كوب دقيق - ( تخلطيهم مع بعض )+زيت للقلى
نتبل الكبده بالملح و الفلفل و التوم و الكزبرة و الكمون و قلبيهم كويس وحطيها فى الثلاجة تقريبا ساعتين علشان تشرب من كل التتبيلة كويس طلعيها من الثلاجةو سخنى الزيت حطي شريحة شريحة فى خليط الردة بالدقيق و اضغطي عليها با يدك كويس من الناحيتين ،و حطيها فى الزيت لحد ما تحمر من الناحيتين بس خلى بالك الكبدة اساسابتستوى بسرعة يعنى ما تسبيهاش على النار دى يادوب بتاخد ثوانى،طلعيها من الطاسه
ملحوظة لو عاوزة الكبدة مشوية :تعملى كل اللى عملناة عادى لحدمت تخرجيها من الثلاجة و بعدين نشوحها
طريقة سريعة للكبدة
نص كيلو كبدة +2 طماطم متوسطة+4 او 5 فصوص ثوم+1 ملعقه كبيره سمن، او زيت لو بتحبيها بزيت+ملح و فلفل اسود
قطعي الكبدة مكعبات صغيرة. قطعي الطماطم مكعبات صغيرة. دقي الثوم بالملح (الملح بيسهل دق الثوم جدا لما نحطه معاه و بعد كده نظبطه لو محتاجتاني في الحلة). حطيهم في حلة و معاهم السمن او الزيت و الفلفل الاسود و ظبطي الملح. قلبيهم كويس لحد ما تحسي ان الكبدة اتشوحت، وطي النار و سيبيها تستويب راحتها و ممكن تضيفي لها شوية مية صغيرين لو محتاجة. و عند التقديم اعصري عليهاليمون و قدميها مع سلطة و مكرونة
سندوتشات كبدة روعه
300 جرام كبدة غنم مقطعة شرائح،
نص معلقة صغيرة فلفل أسمر +نص معلقة صغيرة فلفل أحمر حار + 4 معالق كبيرة عصير ليمون،+ملعقة كبيرة خل فص ثوم مهروس + شريحة زنجبيل مهروسه، ملعقة صغيرة ملح، 2 ملعقة كبيرة أوراق. خس مقطعة+ شرائح طماطم، زيت
اخلطي عصير الليمون والخل مع الثوم والزنجبيل وسيبي الخليط لمدة 15 دقيقة، ثم صفي الخليط بصفاة وضيفيه على شرائح الكبدة. رشي شرائح الكبدة بالفلفل الأسود والأحمر والملح واخلطيها كويس ودخليها الثلاجة لمدة ساعة على الأقل.
سخني الزيت في طاسه غزيرة وصفي الكبدة من خليط الخل وعصير الليمون. اقلي شرائح الكبدة لحد ما يتغير لونها
ونقلبها ونغطيها لحد ما تستوي
وظبطي سندوتشاتك
الكبده بالصلصه
نصف كيلو كبدة مقطعه شرائح رفيعة+ ربع كوب خل + ربع كوب ليمون + 2 كوب عصير طماطم
كوب بضل مفروم+4 معالق ثوم مفروم + نص كوب فلفل رومي شرايح + ملح + فلفل اسمر + كمون
نتبل الكبدة بالتوابل و الليمون و نركنها شوية
نقدح الزيت و تشوح الكبدة و ترفع من على النار
نشوح البصل و الثوم و نضيف الخل و الفلفل والطماطم و نسيبها تتسبك
نضيف الكبدة وربع كوب مياه ونسيبها تستوي وبالف هنا
تعليقات
إرسال تعليق