طريقه عمل الكبدة الضاني
احلي كبده ضاني ممكن تاكلوها احلي طعم علي ضمانتي الشخصيه بسم الله بتحلي اي اكله ❤️
المكونات
نص كيلو كبده ضاني
قطعه من دهن الليه أو فرش البطن
تلت فصوص توم مفروم بالسكينه
سمنه بلدي
ملح وفلفل اسود ورشه بسيطه خالص كمون
عصير لمونه
طريقة التحضير
في طاسه سخنه ع النار ننزل معلقه سمنه بلدي كبيره وفيها قطع من ليه الخروف ونقلبها لحد ما تسيح وننزل بتلت فصوص من التوم المفروم حتي يصبح لونه ابيض ماءل للذهبي
ننزل الكبده بتاعتنا ونقلب علي نار عاليه لمده خمس دقائق بس وننزل عليها برشه ملح وفلفل وكمون وبسكدا هتاكلوا شويه كبده م الاخر ومتنسوش نعصر عليها لمونه عشان جسمنا يمتص الحديد اللي في الكبده
✅✅دي كده الطريقه الاصليه لكن لو عاوزينها تكتر بقا وتكفي عدد أكبر نحط بص وفلفل زي الصوره كدا👏
ملحوظه
🌟الكبده مبتتغسلش والله ما بتتغسل
🌟الكبده تنزل علي نار عاليه لمده خمس دقائق بس ومش هيكون فيها دم ولا هتكون نيه متخافوش هتكون زي كبده الفراخ من طراوتها مش مصدقني جربوها😉
🌟الكبده الضاني بتتاكل نيه يعني مش محتاجه بهارات ولا خضار الا لو عاوزه تكتري الكميه عشان تكفي ناس كتير فهنا بقا زودي براحتك
🌟🌟اخر حاجه الكبده مبتتغسلش😁
تعليقات
إرسال تعليق