ازاي تحجز قطار الحرم السريع لعمل عمره سهله ومريحة ؟
من الحاجات المميزة في المملكة العربية السعودية دلوقتي التنقل بين المدن بقطار الحرمين السريع طبعا التجربه ممتازة يعني المسافة اللي بتقطعها من مكة والمدينه في حوالي سبع ساعات بالباص بتاخدها في ساعتين وتلت في القطار
تجربه رائعة بصراحة استمعت بيها جدا وفي لجده وفي الرياض طبعا المساحة في العربيه واسعه بتقعد مرتاح ، في كافيتريا في العربيه الخامسه، التواليت زي نظام الطيارة بالظبط ونضيف ، في اماكن الشنط الكبيرة لكن لك شنطه واحده كبيره وواحده carry-on
الحجز بيكون من خلال ابلكيشن نسك وفي مستوى اقتصادي وده مثلا من مكه للمدينه ب ٢٢٥ ريال ودرجه رجال الأعمال ٣٦٢ ريال
وممكن تحجز من المحطه نفسها من شباك التذاكر أو من ماكينات التذاكر في المحطه بردو
لازم تروح قبل المعاد بحوالي ساعه او ساعه ونص لو مش قاطع تذاكر عشان تتجنب الزحمه
بتبدأ بوابات الدخول للقطار تفتح قبل معاد التحرك بنص ساعة
التجربه ممتعه انصح بيها جدا خاصة لو في كبار سن هيكون مريح ليهم جدا ومختصر في الوقت
مين جربه قبل كده وكان ايه تقييمك له
دمتم مسافرين
تعليقات
إرسال تعليق