بالخطوات طريقه عمل الفته المصريه بالخل والثوم
 |
| طريقه الفته المصريه |
الفته المصريه اعمليها بالطريقه دي وانسي كل اللي فات ويللا بسم الله بتحلي اي اكله ❤️
المكونات
شوربه لحمه او عظم أو كوارع
عيش بلدي متقطع مكعبات
راس توم مفروم
فنجان خل
عصير طماطم
ملح وفلفل وكمون وكسبره
رز ابيض
الطريقه
✅اول حاجه هنحمص العيش فته حلوه يعني عيش محمص حلو ازاي بقا⁉️
👈هنقطع العيش✅ بتاعنا ونجيب فصين توم مفروم ومعلقتين سمنه بلدي ورشه ملح نقلب العيش في الخلطه دي ونفرده في صينيه وعلي الفرن ونقليه كل شويه لحد ما يتحمص ويتقرمش تمام
هنعمل الرز الابيض عادي خالص
🌟هنجيب راس توم ونفرمها خشن بالسكينه افضل من الهون بالنسبالي لأنها بتحافظ علي الريحه والزيوت الطياره عكس الهون
مش عاوزين التوم ناعم خلوه خشن
الصلصه💯✅
👈في حله علي النار معلقه سمنه او زيت نضيف تلت فصوص من التوم المتقطع ونقلبه حتي يبيض لونه وننزل عليه بعصير الطماطم و نص معلقه صغيره من الملح والفلفل ونص معلقه صغيره من السكر ونسيبها تتسبك نص تسبيكه بس عشان تبقا مسكره ومتبقاش حاميه نطفي عليها ونديها رشه كمون بسيطه
✅ في طاسه سخنه هتنزل معلقتين سمنه بلدي وفيهم باقي التوم علي نار هادئة ونقلب و نروح حاطين معلقه صغيره من الكزبره الجافه ونقلب لحد ما اللون يقرب يبقا دهبي فاتح نروح طافيين بالخل ونسيبه يغلي غلوتين تلاته ونطفي النار نديها رشه ملح بسيطه ودي تبقا كده الدقه بتاعتنا
✅كدا كل حاجه جاهزه الفكره الاساسيه بقا ازاي اعمل من الحجات دي طبق فته صح تعالو أما اوريك💯👌
👌العيش هنضيف عليه الخلطه دي تلت اربع كبشات شوربه سخنه وكبشه صلصه ومعلقة دقه نقلبهم في بعض كويس وننزلهم علي العيش ونسيبه. شويه 👌
👈في بايركس أو اي طبق للتقديم هنضع العيش وفوقه طبقه من الرز الابيض وبعدين نرش الصلصه الحمرا و. اخيرا الدقه الجباره اللي فوق دي 😋واللحمه نحمرها في دهنها ونديها رشه ملح وفلفل بس 🫰ونحطها علي وش الفته القمر دي وبالهنا والشفا 😍
بالطريقه دي هتاكلو أعظم طبق فته
تعليقات
إرسال تعليق