الحواوشى 😋😋مقرمش و تتبيلة اللحمة 🔥🔥
المكونات:-
1/2 كيلو لحمة مفرومة
بصلتين كبار مبشورين ناعم🧅
طماطماية كبيرة مبشورة🍅
فرن فلفل رومى 🫑و قرن حار 🌶️
مكعب لية ضاانى 😋😋😋😋😋😋😋
معلقة كبيرة دقيق 🤔🤔🤔🤔
بيودى الطعم ف حتة تانية 🔥👌😋
التوابل 👇👇
ملح و فلفل أسود و بابريكا و بهارات حواوشى
أو بهارات لحمة و رشة جنزبيل بودرة
مكعب مرقة لحمة (اختيارى)
طريقه التحضير:-
نخلط كل المكونات مع بعضها و نعجنها كويس جدااا 👍
نحشى كل رغيف عيش و نفرد اللحمة كويس جدا
طبقة متوسطة لا هى سميكة و لا رفيعة أوى
ندهن رغيف الحواوشى من الوش و الضهر بشوية زيت
أو سمنة أو لية ضانى سايحة 😋😋🔥🔥🔥💯
التسوية 🔥🔥
ع الجريل أو الطاسة بتاخد حوالى 10 دقايق
(بيكون طرى سيكا )
ف الفرن ف صينية تيفال بتاخد حوالى 15 دقيقة
(بيكون مقرمش من برة اكتر )
و يا سلام لو رفعتيه على مفرش سيليكون حرارى
أو صينية بشبكة بيبقى خطييييير 😋😋😋
قدموه مع سلطة طحينة و بالهنا ❤️❤️
طريقه أخري
الحواوشي ده اقتصادي جدا اعملوه ف العيد👌
الحواوشي المصري مش اي اكله واللي بيعرف يعمله حلو يبقامعلم😉❤️ الحواوشي كما يجب أن يكون هنعمله ف البيت بكل سهوله يللا بينا بسم الله بتحلي اي اكله ❤️
المكونات
معانا نص كيلو لحمه مفرومه عليها ٢٠٠جرام دهن ولو اكتر بيبقا احلي🫡😋
بصلتين كبار
تلت فصوص توم
طماطمايه كبيره
جزرايه كبيره
حبتين كوسه متوسطه الحجم
قرن فلفل بارد وقرن حامي
الطريقه للتحضير
هنضرب كل الخضار في الكبه مع بعض أو نعمله بالمبشره سهله🌸
التوابل بقا ملح فلفل اسود كمون وبابريكا ورشه صغيره قرفه وجوزة الطيب
في طبق غويط هنقلب كله مع بعضه ونعجن كويس لحد ما الخليط يمسك في بعضه
هنجيب العيش اي نوع عيش ينفع نفتحه من الجنب ونحشي بالخلطه دي وتضغط علي الرغيف من فوق عشان اللحم يتفرد ويمسك ف العيش
👈💯التسويه بقا عندنا تلت طرق التسويه💯
👈✅ممكن يستوي في صينيه الفرن مكشوف كدا عادي بس هيبقا مقرمش شويه وقمر
👈✅ممكن نحطه فورق زبده وورق فويل وتدخله الفرن ٢٠دقيقه مع التقليب علي الوجهين وهنا هيطلع طري وجوسي وقمرين
👈✅ممكن كمان نعمله في الطاسه ودي المفضله بالنسبالي نحط معلقه سمنه او دهن ليه لو موجود وننزل بالحواوشي علي نار هاديه ونغطي الطاسه وبعد خمس دقائق نقلبه ع الوش التاني لحد ما يستوي وبسكدا😄
لو في حاجه مش موجوده من المكونات دي استغني عنها واشتغلي بالمتاح عندك حتي لو اللحمه مش موجوده ممكن تستغني عنها هيطلع حواوشي خضار رهيييب واللي بيأكل مش هيعرف أن مفيهوش لحمه من حلاوته وممكن تضيفي بيض بدال اللحمه بيبقا لذيييذ خالص والله😋
ومتفكروش أن اللي بنشتريه من برا بيبقا لحمه بس انا شوفت بعيني تقريب ٧٠ في الميه منه خضار بس مش متنقي بالواحده ولا مغسول زي اللي بتعمليه انتي ف البيت ف تعملوها ف البيت انضف اوفر وكمان الذ وافيد❤️❤️
🌟ملحوظه بقا🫶الاضافات دي من عندي لو حابه تضيفيها تمام مش حابه براحتك بس بتخلي الحواوشي جااامد عودين كرفس مفرومين وكام ورقه نعناع
كمان ملحوظه 🌟كميه الخضار دي بتاعتك تقدري تزويدها براحتك خالص وبالنسبةلي كل ما زاد الخضار كلما بقا الحواوشي افيد والذ فنصيحه كترو خضار دي بالنسبه للاطفال اللي بترفض الخضار طريقه جميله عشان تضحكو عليهم وتأكلوهم الخضار 😁
تعليقات
إرسال تعليق